4. శ్రీ రాముడే నా రాముడు శ్రీ రాముడు నా రాముడు

4.శ్రీ రాముడే నా రాముడు శ్రీ రాముడు నా రాముడు

పల్లవి .. శ్రీ రాముడే నా రాముడు
శ్రీ రాముడు నా  రాముడు
శ్రీ రాముడూ నా రాముడు

1. దశరధునకు గారాల తనయుడు
మౌని యాగమును గాచిన ఘనుడు
శివ ధనువును అవలీలగ ద్రుంచి
సీతా దేవిని పరిణయమాడిన

2. కైక మాటలకు కినుక వహింపక
కాంత జానకితొ కానల కేగి
పాదుకలను భరతునకొసగి
పాదపూజలు అందుకొనిన

3. రావణుడంతట రమణి జానకిని
ఆపహరించెనని ఆర్తిని చెంది
సతిఎడబాటును సహించ నేరక
సహనశీలియై సతమతమైన

4. హనుమ సహాయము జానకి జాడయు 
చూడామణితో సంతసమంది
అనుజు లక్ష్మణుని అంజని సుతుని 
ఆప్యాయతతో అక్కున జేర్చిన

5. వానర బలముతొ వారధి దాటి
లంకను చేరి రణమును సలిపి
రావణు దునిమి రమణిని చేరి
రామరాజ్యముగ అయోధ్యనేలిన
 

రచన : కొడవంటి సుబ్రహ్మణ్యం--   smkodav@gmail.com

పాటను వినండి ఈ క్రింది సైటులో: 

https://mail.google.com/mail/?ui=2&ik=51371a1efd&view=audio&msgs=12a03de68e10b50e&attid=0.2&zw